ابي راكم في حادثه صارت لي في الماسنجر

[أبو مـشـق]

السلام عليكم

اخباركم بشرنا عنكم ؟؟

يدخل بالموضوع على طول

==============================

قبل كم يوم اظافني شخص ما ادري منهو ...

المهم وانا اكلمه ما يرد علي ..

وهذي المحادثه ..

انا : يالله حيه

هو : ما يرد علي

انا : ارحب

هو ما يرد علي

انا : اهلن اهلن

هو : ما يرد علي ..

انا : الوووووووووووووووووووووووووو

هو : لوسمحت لا تقول الو .

انا : ليش وش فيها ؟؟

هو : ترا لحين انت خسرت 12 حسنه من حسناتك ...

انا : ههههههههه تستهبل انت ..؟؟ ناوي تلحس مخي ؟؟؟

انا مره ثانيه : الو الو الو الو الو الو الو الو الو الو الو الو الو الو الو الو الو الو الو الو الو الو الو الو <<< خسرت الحين تقريباً 253 حسنه

هو : تراني اكلمك جد ..

انا : باللهي ... وانت مصدق هالخرافات ؟؟؟

هو : والله مو خرافات هذي الحقيقه ...

انا : ياخي اترك عنك هالخرافات والله تراها بدع و اذا صدقتها انت اللي بتخسر حسنات ...

هو : انت تستهبل في الدين ويا ويلك من الله ..

انا : وش عنده عالم الغيب ؟؟

هو : الله يهيدك بس ..

انا : اجمعين ..

انا مره ثانيه : اقول يا بعدهم وانت من جدك مصدق هالكلام اللي ينقال لك ؟؟
والله تراه بدعه والرسول والقرآن ما قالوا ولا شي في هالحكم ..
والإنسان يعرف الصح من الخطأ ..
والأشياء اللي ما تقتنع بها لا تصدقها ..

هو : اهااااااااا

انا بأستلكاع : لا تقول اها .... ترا بتخسر 13 حسنه ونص ...
شفني حذرتك ..

هو : الله يعينك من عذاب النار ..

انا : اقول اول شي انا ما ااعرف مين انت ؟؟
ومن بداايتها كذا وهذي مواريك ...
اقول سو بلوك ودليت لأني الحين انا بسويلك كذا ...

----------------------------------

وإلى ساعتكم مدري وينه ...

بالله وش رايكم بكلامه ؟؟؟

[عمدة الحارة]

شكلك تكلم خيالك كم لها القصه
انا لو جاني واحد زي كذا مانمت (يبي يروعك) :30: ياخي يكمن واحد يعرفك يستعبط عليك شف وفكر وعلمني

<------- وش تبي داخل

[حايمتن تسبدي]

هااااااااااه
وش يبي ذا الحمد لله والشكر
بسم الله علي
طيب يمكن انه شيعي:26:
ولا ليبرالي
<<<تسمع بهم ولاتدري وش هم؟ :سبهه:
اقول عزوز
الظاهر ان هذا واحدن يعرفك ويبي يهبل فيك
والا انه من هالشباب الفاضين
ويبي يوسع صدره عليكـ :سبهه:
عاد مايحتاج احكي لك عن شبابنا ومزحهم اللي مدري وش يبي

حيووووم
سلـمـلـمـ:اموه:

[أبو مـشـق]

لا المشكله معيي يعلمني من وين جاب إيميلي !!!

لا ما اعتقد انه واحد من اخوياي لأن اللي معي بالماسنجر كلهم يعرفوني زين @@

يقالك الحين انا خسرته يوم حذفته @@

شوفو كم اون لاين عندي في اليوم الواحد @@

http://www.7arah.com/uploader/pic/asd.JPG

ومشكورين على مروركم
وتعليقكم

[حايمتن تسبدي]

لا اله الا الله
ماشاء الله كل ذولي :وش القصه:
ياعمري انا بس
خليني اوريك ماسنجري :26:
<<حلوة الغيره مو :22:


http://www.7arah.com/uploader/pic/my massenger.JPG

خخخخخخخخخخخ
اعذرني الصورة كبيرة وما اعرف اصغر :سبهه:

[أبو مـشـق]

ما شاء الله ..

والله ودي اعطيك شوي @@

انا ينفجر راسي اذا جيت اتكلم معهم ..@@

قسم بالله ما اجمع ..@@

[بسمة نجد]

يمكن سمع هالكلام واقتنع فيييه:26:


ماعندي سالفه بس برد:26:

[أبو مـشـق]

اما انتي من الطبقه اللي تسمع هالكلام وتصدقه @@

ما اتوقع انك تسوينها ابدددددددد !!

[بسمة نجد]

وش دخلني في المووووضوووع

انا اقصد الشخص هذا

وبعديين انا ا اقتنع باي كلاام ينقاال لي

انا اقتنع بالدلييييل :26:

[أبو مـشـق]

صحييييييييييييييييييييييييييييييييييييييييييح

معليش انا قريت ( سمع ) قريتها كذا ( اسمع )

لا تشرهين

ومشكوره على مرورك

[طقطق بنت ترتر]

اقول ابو مشق شكله ما عنده ما عند جدتي يوم يقول كذا :وش القصه:
اجل على كيفه يفتي هو وخشته :3:

[أبو مـشـق]

ملاحظه انتي ؟؟

شكله متأثر ببرنامج يجي بالرادو ( نورن على الدرب )


ومشكوره على مرورك

[المملوحة]

ممكن اسال سؤال ...
ليش قال اذا قلت الو تكتب عليك سيئة ماادري عشر سيئات :افكر: ...والله شئ غريب ...

لايكون يحلل ويحرم على كيفه ؟؟.......
:افكر:

[أبو مـشـق]

لا يقول قراها بموضوع في منتدى @@
شفتي الإستهزاء بالدين إلى وين وصال ؟؟؟

ومشكوره على مرورك

[طقطق بنت ترتر]

ايه والله انك صادق شكله يتابع هالبرنامج بس موب على كيفه يحرم ويحلل:33:

[أبو مـشـق]

اوريه شغله @@

بتجيه عافية الله !!!
وحمارة القايله !!

[طقطق بنت ترتر]

هههههههههههههههههههههههههههه

لعنبو ابليسك من وين طلعة حمارة القايله :24: